هناك ناس - الشاعر - صالح بوعياد

هناك ناس

الكاتب : الشاعر/ صالح بوعيَّاد


هناك ناس لا جالوا ولا جيل لهم ... ولا يعرفوا مخلوق خاطي هلهم
هـناك ناس راني نعرفه ممشاهم ... ما عـمر شالنهم بعيد اخطاهم
عيت دوبهم يا اللِّي تريد اسماهم ... فوق م البسال الشين يا مبسلهم
طامـع تريد ايطول فيك اغطاهم ... وهم يبخلوا بيهن قشور بصلهم
عيت دوبهم بدري يفوت عشاهم ... م العصر الطويل يسكّروا منزلهم
عيت دوبهـم ما عمر والي جاهم ... أوقات يبخلوا حتى علي عيِّلهم
هنــاك ناس لا ينـــجالهم ... ولا ينشكى منهم ولا ينشكى لهم
ولا ابذروا حاجه طيِّبـه تلقى لهم ... وما ابذرن ديـهم يحصده منجلهم
ولا فعــل طيِّب ينذكر يبقى لهم ... تفتـــش علي تاريخهم تدفلهم
شينات تلقـاهن جمــيع أفعالهم ... اخباث البحـر ينزح وما يغسلهم
من فعل عـالق في أجيال أجيالهم ... لا ينفـصل منــهم ولا تفصلهم
منَّه ولا تقـدر قـــوي فتَّالهم ... علي طبعــهم قبلك اللِّي فاتلهم
ومن جَدّهم بوهم خذا وعـطالهم ... هـذا طبــع لاخرهم عطاه أوَّلهم
وخال جدّهم هو خال بوهم وخالهم ... من نفس المراح ومن اخباط جملهم
منهـم وفيهم جــو خوال اعيالهم ... حتَّى ع النحل يفرق القيت نحلهم
باسـل يدير عسله كيف بســالهم ... ظالمـينَّا يرعى علي مشــتلهم
ولا بركه لا فــيهم ولا في مـالهم ... ابخال عمر ما رينا الضـيف نزلهم
ولا يتبـعوا والي إن جـــا يفتالهم ... ولا يقــبلوا والي ولا يقـبلهم
ولا يتبعــوا والى انجا يفـــتالهم ... بيش من جــديد ايغيروا امخولهم
غرام م الكــرامة ما طلـع يصفالهم ... جايبــلهم مكـيال ومكيِّلهم
وغربلـت فيهم يا شــقا غـربالهم ... وإن كان هذا يا دونك لهم غربلهم
***
صالح بو عياد مختار
هو الشاعر صالح عياد مختار عقاب قبيلة شهيبات ( عائلة عبد المولى ) من مواليد الابيار سنة 1954 شاعر شعبي متمكن يمتلك رصيد وافر من الكلمات والالفاظ الشعرية والتي استطاع توضيفها كما ينبغي وقد سمعت له قصائد عديدة ويتضح من شعره أنه صاحب تجربة حياتية كبيرة .
[/size]